YANGILIKLAR

ХАЛҚАРО ОРОЛНИ ҚУТҚАРИШ ФОНДИ ВА БМТ ЎРТАСИДА ЎЗАРО АНГЛАШИНУВ МЕМОРАНДУМИ ИМЗОЛАНДИ

3 март куни БМТ нинг Марказий Осиёда превентив дипломатия ҳудудий марказининг Ашхобод шаҳридаги идорасида БМТ ва Халқаро Оролни қутқариш фонди Ижроия қўмитаси ўртасида ўзаро англашинув меморандуми имзоланди.

Халқаро Оролни қутқариш фонди 1999 йилнинг 9 апрелида ташкил этилган. 2008 йил 11 декабрда Халқаро Оролни қутқариш фондига БМТ Бош Ассамблеяси қошидаги кузатувчи мақоми берилган. Ўзбекистон, Қозоғистон, Қирғизистон, Тожикистон ва Туркманистон ушбу ташкилот муассислари ҳисобланади.

Англашинув меморандуми ўз олдига Орол ҳавзасида екологик ва ижтимоий-иқтисодий вазиятни яхшилаш йўлида ҳамкорликни ривожлантиришни мақсад қилиб қўйган. Янги ҳужжатда Марказий Осиёда ҳудуддаги барча давлатлар манфаатларини ҳисобга олган ҳолда сув ресурсларидан комплекс фойдаланиш ва атроф-муҳитни муҳофаза қилиш механизмини излаш зарурлиги ҳақида сўз боради.

Қайд этиш керакки, БМТ Бош котиби Пан Ги Мун Халқаро Оролни қутқариш фондининг ташкил этилиши Марказий Осиёдаги барча давлатларнинг ижтимоий-иқтисодий ривожланишини қўллаб-қувватловчи муҳим восита бўлишини таъкидлаган еди. БМТ Бош котиби Орол денгизига оид келгуси қарорларда иқлим ўзгариши билан боғлиқ хавф ўсиб бораётгани эътироф етилишига умид билдирган.

Manba: Anons.uz

URL-manzil: http://www.anons.uz/uz/index.php?mod=article&cat=economics&article=1310